Kalam Falsfa

يعنى ايه معجزة miracle؟ .. الكلمة بترجع جذورها فى اللغة اللاتينية للمفاجأة او التعجب. لكن المعنى الديني للكلمة لايكفى فية تطبيق فكرة المفاجأة فقط. لو المكتب اللى قدامى دلوقتى اتحول فجأة لطيارة مثلا، بالرغم من التحول ده مفاجئ وخارق لقوانين الطبيعة، لكن بما ان التحول العجيب ده ما بيخدمش اى هدف سماوى اعلى، الفرد المؤمن لن يرى هذا الفعل على انه معجزة! .. المعجزات فى الكتب المقدسة بشكل عام بتعمل كأشارة هدفها الاساسى اظهار قدرة الموجود الاعلى وتدخلة المباشر فى الطبيعة بكسر قوانينها لتحقيق خطة سماوية ازلية، اللى بيلهم المشاعر الدينية عند المؤمنين! .. لكن فى بعض المفكرين بيعتقد ان فى تناقض جذرى فى فكرة المعجزات. المعجزة حسب الاعتقاد العام بتنطوى على خرق لأحد قوانين الطبيعة، لكن الانتظام regularity اللى من الممكن خرقة او غير مستمرابدا غير قابل لان يكون قانون! .. أهم الردود على الاعتراض ده قدمها الفيلسوف الامريكي المعاصر ريتشارد بيروتيل Richard Purtill وجادل ان على سبيل المثال ان الانظمة التنفيذية المختلفة فى غالب المجتمعات البشرية، عندها منظومة معقدة من القوانين اللى بتحكم علاقة الافراد ببعضهم واجهزة الدولة المختلفة.