Littpod

Kva er det med den snusfornuftige pappajenta Nancy Drew som har fascinert generasjonar av lesarar? At ho alltid kjem oppi mysterium som må løysast, sjølvsagt! Bøkene følgjer nesten alle same oppskrifta, og kapittelnamna er føreseielege. Likevel tar me fatt på bok etter bok. I dag er det gjeve ut nye bøker i serien, der Frøken Detektiv har mobiltelefon og GPS i bilen. Men var det ikkje noko med dette støvete, gamle universet som òg høyrde til lesaropplevinga? Eller når dei nyskrivne bøkene fram til heilt nye lesarar? Einar Økland er forfattar, samlar av bruksgrafikk og populærkulturelle publikasjonar, og ein kjennar av Nancy Drew-illustratør Harald Damsleth. Saman med intervjuar Ingvild Bræin ser Økland nærare på mysteriet Nancy Drew.