Sa Gemeente Londen Preke - Audio & Video

Retief Burger sluit ons pinkster week af met 'n praise & worship aand gefokus op heiligmaking.

Preek 4 van ons pinkster reeks - Die gawes van die Heilige Gees

Ons derde pinkster aand - Hoe om die stem van die Heilige Gees te hoor.

Die tweede preek in ons pinkster reeks oor die Heilige Gees

Die eerste diens van ons Pinskter reeks. Dawie help ons bietjie meer duidelikheid kry oor die drie-enigheid van God.

Dawie gee nuwe perspektiewe oor die feit dat ons as Suid Afrikaners onsself bevind in 'n land wat ons nie noodwendig sien as ons ware tuiste nie.

Elkeen van ons het ons 'giants' in ons lewe wat ons moet face op een of ander tyd. Rian verduidelik aan die hand van die intog van Israel in die beloofde land in, dat ons almal voor keuses te staan kom. Ons kan of dit voluit aanvat, of weghardloop (en nog 40 jaar in die woestyn deurbring).

Dawie vertel vir ons wat die Here persoonlik met hom gedeel het tydens sy vakansie oor Spreuke 4 - Maak wysheid en insig een van jou hoogste prioriteite

Na afloop van die verkiesing wat hierdie week in SA plaasgevind het, herhinner Dawie ons dat ons vir al ons leiers moet bid. Dawie voer ook 'n onderhoud met Dif du Plessis en sy gesin, wat sendingwerk doen in Zambië.

Christo help vir ons om te verstaan wat die verskil is tussen God se seën en Sy teenwoordigheid sodat ons die huidige finansiële krisis wat die wêreld beleef reg kan benader.

Vandag kyk ons in diepte na die betekenis van Jesus se opstanding vir ons vandag teen die agtergrond van die Joodse fees (van die ongesuurde brode) waartydens dit plaasgevind het.

Aan die hand van Jesus se gebed in die tuin van Getsemane net voordat hy gekruisig is, verduidelik Christo vir ons watter rol gebed speel in ons geestelike groei en die pad wat ons saam met die Here stap.

Dawie verduidelik vir ons hoe belangrik die konteks en aanloop tot paasfees is (ou en nuwe testament) om die ware betekenis en impak op ons lewens vandag te verstaan.

Vandag se erediens het bietjie anders verloop as normaalweg. Ons het al ons bedieninge aan die gemeente voorgestel en Dawie se preek het gehandel oor die redes waarom 'n mens kerk toe kom - vir jouself of vir ander. Om te gee of om te ontvang.

Ons laaste preek in die reeks Op Soek Na Ware Noord Deur Die Woord. Dawie som vir ons op wat ons die afgelope 5 weke geleer het en verduidelik ook dat Jesus die Woord van God is. Net soos mens nie iemand se gedagtes kan verstaan indien hy dit nie verwoord nie, net so kan mens nie vir God ken as Hy homself nie verwoord nie.

'n Verduideliking oor hoe die Gees van God die inspirasie was tydens die skryf van die Bybel. Net soos 'n instrument nie alleen klanke kan maak sonder die musikant nie, net so kon die skrywers van die Bybel geen woord skryf sonder die Heilige Gees nie. Dit is ook die Heilige Gees wat dan persoonlik met ons aan die werk is, en waarhede vir ons oopbreek wanneer ons die Bybel self lees.

Hierdie week het Dawie uit Esegiel vir ons geillustreer dat hoe meer jy omgaan met die Woord hoe soeter word dit soos heuning in jou mond, maar hoe meer bitter word dit in jou maag - hoe duideliker die waarheid word, hoe duideliker word die gebrokenheid van die wereld om jou.

Die tweede preek van ons reeks Op Soek Na Ware Noord (deur die Woord). Leef in die Lig van die Woord - Dawie illustreer aan ons dat hoe nader jy aan die Woord (kompas) leef, hoe duideliker sal God se wil vir jou word - die rigting waarin jy moet beweeg.

Gasspreker Ben Davies kom skud vandag ons boot deur vir ons te verduidelik dat ons nie in sak en as moet sit in ons sondige ellende en verhoed dat God met krag deur ons kan werk nie. Dit neem die vyand 'n geruime tyd en slimspel om God se kinders vas te maak met boeie, maar God kan daardie selfde boeie in een oogwink losbreek en ons vry maak om suiwer instrumente in Sy hande te wees.

Dawie begin vandag met ons eerste preekreeks vir die jaar - Op Soek Na Ware Noord Deur Die Woord. In 'n wereld waar morele standaarde so verwronge geword het en ons al hoe meer sukkel om God se standaarde te handhaaf, kan ons nie anders as om terug te keer na die Bybel om ons op koers te hou nie.