Sa Gemeente Londen Preke - Audio

Dawie en Alma deel verder met ons die tips en tricks wat hulle deur die jare in hul huwelik geleer het.

Dawie en Alma praat vandag en volgende week bietjie uit die huis uit oor wat hulle deur die jare geleer het oor die moets en moenies tov kinders grootmaak.

Na afloop van die vulkaniese uitbarsting in Ysland wat miljoene mense se lewens tot stilstand gebring het, verduidelik Rian vir ons aan die hand van Joh 20 dat die Here soms juis 'n mense se lewe tot stilstand roep sodat jy 'n hele nuwe rigting vir jou lewe kan inslaan.

Rodney Woods lewer 'n paasfees boodskap oor hoe ons seker kan wees van die fisiese opstanding van Jesus.

Om te kan groei, moet ons eers verstaan wat dit regtig beteken om te sterf. Ons kyk vandag na Jesus se laaste paar dae voor Sy kruisiging om hierdie konsep beter te verstaan.

Soos vreemdelinge in die buiteland (of soos Afrikaners in Londen), is ons christene IN hierdie wêreld, maar nie VAN hierdie wêreld nie. Dawie verduidelik vir ons hoe ons ons plek moet sien in hierdie agteruitgaande omstandighede waarin ons leef.

Aan die hand van Jesaja 6, verduidelik Rian vir ons dat verandering somtyds noodsaaklik is vir geestelike groei. Of dit nou lekker is aldan nie.

Wat beteken dit om 'n getuie te wees? Het jy 'n getuienis wat jy kan vertel? Is dit nodig? Dawie verduidelik vandag vir ons die belangrikheid om te kan getuig van God se goedheid in ons persoonlike lewens.

In ons voorlaaste preek in ons reeks, Sleutels tot Groei, verduidelik Dawie vir ons die belangrikheid van diensbaarheid as een van die sleutels vir geestelike groei.

Hoe benader jy die Bybel? Lees jy dit reg? Voel dit asof God met daardeur praat? Of lees jy dit maar net om jou gewete te sus sonder om regtig geestelike 'kos' daaruit te kry? Dawie gesels vandag met ons oor hoe God sê ons Sy Woord moet benader.

Die eerste preek van 4 in ons reeks Sleutels tot Groei. Rian verduidelik vandag vir ons hoekom dit so noodsaaklik is om geestelike dissiplines te hê, al word ons nie op grond van ons dade gered nie.

So baie mense het so baie opinies oor wat kerk is en hoe 'n kerk behoort te lyk en te funksioneer. Dawie gesels vandag met ons oor wat God se siening van Sy kerk is.

Na die suksesvolle vrystelling van die fliek Avatar, gesels Dawie vandag met ons oor effektiewe maniere hoe mens hierdie fliek kan gebruik as 'n wegspringpunt vir 'n geestelike gesprek. Ben Payne van MedAir gesels ook met ons oor die werk wat hulle tans doen in aardbewing-getuisterde Haiti.

So baie van ons het hoë aspirasies en doelwitte waarna ons streef om ons lewe hier op aarde 'suksesvol' te maak. En partykeer is dit juis hierdie dinge wat staan tussen ons en God.

So met die afskop van die nuwejaar, herhinner Dawie ons weer aan Die Groot Komissie en maniere hoe om die evangelie te verkondig.

Kerssangdiens 2009 - Dawie bring ons nader aan die realiteit van God se liefde vir ons deur die voorbeeld van 3 seuntjies...

Phillip Scheepers vanuit Australië preek vandag by ons oor 2 Kor 4 - ons opdrag om die evangelie te verkondig.

Stephan Joubert kuier vandag by ons vanuit Suid Afrika en kom inspireer ons weer van voor af om erns te maak met seker een van ons belangrikste take - om God se Woord te bestudeer en te deurdink.

Ons worship op ‘n Sondag is ’n uitloop van die verhouding wat ek met die Here het en word bepaal deur wat in die week tussen my en die Here gebeur. Die bewussyn dat ek die hele tyd in die teenwoordigheid van die Here lewe kleur my hele lewe, asook my worship in. Sonder hierdie kontak is ware worship onmoontlik.

Ons is gemaak om te aanbid. Ons kan dit nie help nie – as ons regtig met God te doen het, aanbid mens. Maar daar is ’n probleem …